 |
Questa pagina a no l'è stæta corretta. | |
Nato a Loano nel 1870. Colto e benemerito direttore nelle Civiche Scuole di Savona. Vivente.
— « Pe chi söfre l’anemìa
e o l’è giano soffranin,
’na meixinn-a garantìa,
o cicciollo, Marinin ». —
— Seggi serio, o mae Tomaxo,
no me fa o ciarlatan....;
i rimedi daeti a caxo
pe-i marotti no ghe van....;
o cicciollo ’na meixinn-a?
ti me creddi ’na cretinn-a? —
— Mi a caxo no te parlo,
ti o trêuvi in ti Casciae
insemme a-e trippe, a-e torte,
no, çerto, da-i speziae....;
O cicciollo, l’è ’na bela
con do sangue e di pignêu;
chêutto in broddo o ’n tà pöela
ti o perlecchi, o rangia o chêu. —
I
Arrivando in sciä collinn-a
che resäto fa o Ciabrèa...!
o te vedde nint'e meno
Amarilli e Galatèa,
e due Ninfe, che, a-o momento,
scappan via comme o scento.
