O Cicciollâ 1930/Donne moderne!
| ←A mae Beppinn-a! | O Cicciollâ de Donne moderne! de Giulio Manoælo Minuto |
Pescôei!→ |
| lasciòu inalterâ a grafia do "Cicciollâ". |
Donne moderne!
I
E donne da giornâ, che bella cösa!
Che economia dee stofe, che cöcagna!
O borsellin do majo o se ripösa,
Che speize de vestî no ghe n’è ciû,
Faeta eccezion de quarche pescecagna
Càrega de pelisse e de brillanti,
O resto van de picca a chi sparagna
Cäsette, mûtandinn-e e tûtto sciû.
Cavelli cûrti — Cûrto çervello,
Röbe streitiscime — Sensa cappello,
Cipria a colòri —, Lapis carmin,
E o sguardo languido — A Valentin.
II
A donna che a veû fà ûn pö l’elegante
A mette in mostra tûtto o pin de cà;
O majo o saera ûn eûggio, trionfante,
E o praeve o tìa zû tacchi da l’artâ.
Ma a donna a se ne impippa allegramente
De scimmiottâ e Coccottes da marciapê,
E divettes do Cine, e o rimanente....
Provâeve a no pensâla comme lê!
Cavelli cûrti — Cûrto çervello,
Röbe streitiscdme — Sensa cappello,
Cipria a colòri —, Lapis carmin,
E o sguardo languido — A Valentin.