O Cicciollâ 1930/Cristoffaro Colombo a ra scoverta de re Indie

O Cicciollâ de Feipo Noberasco
Cristoffaro Colombo a ra scoverta de re Indie de Pantalin Moasaña

lasciòu inalterâ a grafia do "Cicciollâ".

Cristoffaro Colombo a ra scoverta de re Indie

Dra marinn-a ra stradda lé o piggió,

Vortandoçe a ponente, e ghe fue greve
Che ra fameggia a Sann-a e ghe lasciò.

Poi stûdiando ra via assae ciû breve
Per andä a re Indie, con trae cochie de Spagna,
Forza é che ro mä scûro o ro riçeive.

E navegando in poppa donde o bagna
Re isole Canarie e Fortûnae,
O l’arrivó a ra taecra da Cuccagna.

Mi no ve diggo se ri marinaê
Aggian gozzó lazzû fra re macacche,
Che pe angeri de nivoe l'an piggiaê.

Sciammi de beu, de pegore e de vacche
Andavan pe ri prae comme a ra fera,
Fra ri ommi pin de ciûmme e de pennacche:
Lá Colombo o ciantó ra seû bandera.