O Balilla strenna pe-o 1869/Epitaffio

←L’anno 1869 - sunetto

O Balilla strenna popolare pe-o 1869 Epitaffio in sce a seportua do Rotschild - sunetto

Strenna da reginn-a de Spagna a Pio Nono→

Zena, Stampaja do Comercio, 1868 - exemprâ conservao inta Libraja Britannica

EPITAFFIO

IN SCE A SEPORTÙA DI ROTSCHILD

---

SUNETTO

In questa critta son depoxitæ
E reliquie non sacre d'un ebreo.
Chi ea fra i bancôti uña celebritæ,
Pe-ô motivo, ch’ô l'ea (se pû l'è veo

Quanto a fama a ne dixe) l’europeo
O ciù ricco de fondi e de dinæ!....
Ma i mioîn, ch’ô l'aveiva li ammuggiæ
No ghe pêuan fâ mai ciù nè prô nè reo!...

Quelli tesoi, pe-i que tanta figûa
Lê ô fava a-ô mondo l‘han accompagnôu
Fin a-a ciappa de questa seportûa.

E con eterno addio ghe l'han ciantôu
Co-a so persoña tutt’affæto nûa,
Comme quella de l’ommo ciù despiôu.