O Balilla strenna pe-o 1869/28

←Strenna da reginn-a de Spagna a Pio Nono

O Balilla strenna popolare pe-o 1869 Sciaradde

Diversci "perchè" regalæ a-o pubblico insce-ô gusto do "Spegio"→

Zena, Stampaja do Comercio, 1868 - exemprâ conservao inta Libraja Britannica

SCIARADDA

1

Gh'è un potente, ch'ô credde êse feliçe
Se ô poêse impadronîse
D'un gran paise che bagna ô mæ totale,
Ma gh'è un primmo a sto mondo
Coraggioso e furbon
E in potenza so eguale
Ch'ô lè pronto a rispondighe ô segondo
Co-a bocca do cannon.

SCIARADDA

2

Un poveo barcaiêu, ch'ha tutto ô giorno
O segondo do remmo a l'atra intorno
E che a-a seia ô veddiö stanco e affamou
Stâsene ciù d'uña ôa
Assettôu a uña toa
Con pittanze abbondanti,
E un bon fiasco davanti,
Da mi ô no saa stimou
O tutto, nè ciammou.