Ms. Ricci 176/Sonetto - Non za de Sipro ò da ro terzo Cé
←torna a l'endexo | Poesie in lengua Zeneise de Sonetto |
Oda - Dal gran regno di Dido→ |
Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Non za de Sipro ò da ro terzo Cé,
Ma da ra bell'America in farsetto
Vegno de sette parmi un Amoretto,
Con questi popponetti foresté.
E mi assì per pareive dro mesté,
Me compre tira fuoe ro mé mottetto,
Mentre ha in stampa ogn'un ro sò sonetto,
Me tocca ancor'a mi mostrá ro mé.
Ma per mostraven'un pin de stroffoggi,
De quinci, e quindi, comme quelli li,
Chi no fan solo versi de carroggi.
Da ogn'atr'in somma, fuoera che da mi
Andeve pu a fá leze sti fenogggi,
Che non l'oeggio trá fuoe si ben l'è chì.