Ms. Ricci 176/Sonetto - Da ro beato, e nobile paeise
| ←torna a l'endexo | Poesie in lengua Zeneise de Sonetto |
Sonetto - Lest'in Arme e in Cavall'eccame chì→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Da ro beato, e nobile paeise
Dri Campi Elisi tanto selebré,
A vuoi Damme de Zena si laudé
Annibale ne ven Cartagineise.
A unna Damma bellissima corteise,
Havendo domandoù per charité,
Ch'a ghe prestasse un onza de pieté,
Da un atra Damma comme lé zeneise.
Houra o vorreiva faghe penetrá
Che non comme mezzanna lé ra prega
Ma veramenti comme principá.
Che però s'a gh'oe fá ra gratia intrega,
Ch'a retorse in lé mesma l'ambasciá,
E possella s[c]ciupá, s'a ghe ra nega.