Ms. Ricci 176/Conti il Duca di Parma
| ←torna a l'endexo | Poesie in lengua Zeneise de Conti il Duca di Parma - Sonetto |
Sciu re corne - Sonetto→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Sonetto
Se re scioi vostre a re ave negheran
Dri tributarij humoí dose rapinna;
Che si che a ruoesa oura deventa brinna,
Che re fará zerá, che seccheran.
Ve fé così da vuoi ro mondo cian,
Se tran fuoera o sagoggio sei n' rovinna;
Ponzan si ve daran ra mattutinna,
Non ra piggié con ro bancá dro pan.
Ve pensé mantegnive? Elan nescioí?
Pe ro paeise, e pe re vostre rive
L'amé senz'ave, e senza ló re scioí?
L'è in man de st'ave in tutto de s[c]ciarive,
Se non mollé faran l'amé per noi,
E ra seira per vuoi da seppellive.