Ms. Ricci 176/A so cugná per unna serva ch'a voreiva
| ←torna a l'endexo | Poesie in lengua Zeneise de A so cugná per unna serva ch'a voreiva |
A ra Signora Livia Paravexinna.→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Carissima cugná,
L'è quattro di, che me ne ven ra smannia,
Perchè vuoi e sei steta mincioná,
Comme se dixe, sciù ra capitannia;
E per mettev'inanti a ra bonassa
Tutto quello chi passa,
Per destendeve in scrito
Our'oura chì ro feto,
Saccié che mi son steto
Sempre sciù quella Donna, che m'hei dito.
Si che, l'atra mattin,
Mi haveiva pe re moen
Cosa chi v'havereiva deto gusto,
Ma in fin con mé desgusto,
Quande me penso havei tutt'aggiustoù,
Tutto m'è in fin mancoù;
Ma ste cose besuoegna sopportare,
Perchè da puoe durum est calcitrare.
Ma lascieme fá a mi,
Tanto bordigherò de chì, de li,
Che se non m'è contraria ra fortunna,
Me pens'in somma de trovavene unna;
D'in tre tanto a ra megio vuoi farei;
Goveive comme puoei quella ch'havei.