Ms. Ricci 176/A ro Sig. Giruoemo Spinnora chi oreiva vegní a Sant'Oberto
| ←torna a l'endexo | Poesie in lengua Zeneise de A ro Sig. Giruoemo Spinnora chi oreiva vegní a Sant'Oberto |
A ro Sig. Gio: Maria Spinnora - Invio a ese Compá→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Lustrissimo Patron
Hour'oura mé moggié
Me manda sto garzon
Con ro nostro papié
In ro qua mi me sento interpellá
Se ra casa pe i atri e accaparrá
Perchè queste signore vegnireivan
A Sant'Oberto e gratia me fareivan
De ciù me dan da intende
Che basta che ra tora ghe destende
E mi presto respondo
Che non solo dra cà
Ma sempre quello poco ch'ho a ro mondo:
Per ló tutto ro mié pronto sarà
E non solo ra tora
Ra giancaria mi destenderò
Per mett'a miezo tutto quello ch'ho
Ma in casa mi farò
Per gove in pavarinna a trionfetti
Che no se vegghe solo sé, e corzetti
E a quest'effetto aponto
Se fasso ben ro conto
L'è tosto vinti di
Che tra Cecilia e mi
Con ro resto de tutta ra masná
Tutti non fassem'atro che grattá.