Ms. Ricci 176/A ra mesima. Nuoeva d'un mascio

by Giurian Rosso

←torna a l'endexo

Poesie in lengua Zeneise de Giurian Rosso A ra Sig.ra Delia Spinnora nuoeva d'un mas[c]cio.

A B. D. chi disse all'autó ch'o fava dre figgiorarie.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ra mesima. Nuoeva d'un mas[c]cio nasciuo doppo havei dito ese unna figgia.

Lustrissima Patronna,
Sentim'unna stizzinna,
Ro conto, che fei heri, o no camminna,
Si non ghe truoevo reprica nisciunna.
Savei ch'heri ve dissi,
Quando me favorissi,
Ch'in somma mé moggié me n'ha fet'unna?

Si mi son si mincion, che me ro creiva,
Ma sciù ra feta fin,
Ho feto comme fè meistro Licchin,
Perchè mirando megio onde doveiva,
Per gratia dro Segnó,
Ho piggioù in grammatica un erró,
Ch'in genere parlando feminino,
Ho puoe vist'e toccou ro mascolino,
Si mediante ro supremo aggiutto,
Un bon mas[c]cio ho trovoù, mas[c]cio dro tutto.

E così in queste carte
A vuoi, e a ro sció Giruoemmo mé patron
Mi ve ne fasso parte,
Perchè ben serto son,
Ch'hei gusto, che con questo cresce a noi,
A mi ri figgi, a vuoi ri servitoi.