Ms. Ricci 176/A ra Sig.ra Giovanna
| ←torna a l'endexo | Poesie in lengua Zeneise de A ra Sig.ra Giovanna |
A ro Sig.r N.→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Cara Sig.ra Giovanna mé patronna
Hieri per sorte bonna
Mentre fava unna lettera
De serimonie e cetera
Ro Sig.r Bastian
Capità li che mi l'haveiva in man
E perchè in concrusion
De vegní a favorine in sò bonn'hora
A Sant'Oberto con ra sò signora
Non ve mancò de dí
Che se gh'orei vegní
Con tante Damme gh'haveremmo ancon
Con re fighe re peire e sazisson
Quarch'atra cosa chi farà per vuoi
Corzetti no me dí
Anzi d'esta mestura a s[c]ciatta pansa
Oeggio ancon che digghé che ve n'avanza
Puoe conforme all'usanza
Per perleccase un può con ro tortello
Faremmo ancon ra guenna a ro canello
Ma resté deciaroù
Che nuoi no ve daremmo de peroù
Per non usá con vuoi
Cose n'usemmo nuoi
Perchè ste speise comm'a dixe lié
Son troppo per l'intrá de mé moggié.