Ms. Ricci 176/...Se creiva sto Farcon

by Giurian Rosso

←torna a l'endexo

Poesie in lengua Zeneise de Giurian Rosso [...]

Lode in burlezeura de Framura Musico→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

[...]
Se creiva sto Farcon,
Finzend'oreise un po refitiá
Con pittá l'uga chì pe ro caná,
Collá ri Gaviorni in un boccon;
Tanto ciù che paré ch'o se vantasse,
Ch'un Aquila benigna a l'aggiuttasse,
Ma da ro monte un merlo reborio,
De li d'in tro sò nio,
Gh'ha buttoù quattro voxe,
Che son stete sentie fin da ra foxe;
Onde che ri Griffoin,
A sò marso despeto,
Si son ló ri patroin,
Piggiandosel'a peto,
Han feto l'oxelloù restá oxelloù,
E così un cigno ha subito cantoù,
A honó dri Gaviorni, e Mamalucchi,
Ri Farcoin, e ri tordi en resté cucchi.