Ms. Ricci 1080-2/L'è un fracazzo pre Ziena

Ms. Ricci 1080, sec. XVIII
L'è un fracazzo pre Ziena
[p. 12r modifica]


1.
L'è un fracazzo prè Ziena
che non se puoè quità
inanzi dì, Maniena
Roesa, Francisca, e Lena
fè ro pan dixe ro fornà.

2.
Vegnan che l[']è ancon schuo
quelle de Parixon
e sbraggian: lete puo
donne serto ve zuo
ch'o l[']è de quello bon.

3.
O Gratioso lesto
con ra sò fainà
chi oè, che ghe ne taggie un pezzo
figgioè vegni zù presto
ch'a l[']è co' a pezzigà

4.
Gh[']è da sarvia, dra rua
dixe ro Bezagnin
da menta, amò cornuo
un gano[e]ffano druo
da fà bello o Giardin

5.
Persa, zucca, e bazanne
savoì, menta, e passion
baxaicò, e meizanne

[p. 12v modifica]

ch'ai oeggi son màsanne
Donne dì s'ho raxon

6.
All' À l'amandoretta fresca
La dro meise d'arvì,
chi s'accatta unna resta
da regallà à Fantesca
pappavai pre dormì.

7.
Quell'atro in'ata voxe
con un seggiello in man
chi voè l'orivetta dose
árè sciaccaielle noxe
sbraggia quello villan

8.
Quello con ra sò corbetta
chi gh[']à rumenta in ca'[?]
ma mi ra casa l'ho netta
n'imbrigna da zappetta
me chiù dro Rumentà.

9.
Non mancan i baifardi
voeggio dì ri brennè
si no se levan tardi
e d'intri brenni magri
i vei sempre ingrasciè

10.
Quell'atro: gh[']ò dri oeve
gh[']è pollastri, e cappoin

[p. 13r modifica]

chi s'accatta e prescinsuoe
son longhee re me nisoee
dixan ri ciavarin

11.
O boggie, o l'è chi cado
hommi, donne, e Garzoin
ò sciù bottifardo
à doe da o[e]tto ro parmo
chi voè fà belli boccoin.

12.
Teie Indianne Finne
cria sempre Mostafà
Lino fino Fantine
frisciolo caldo arringa
Formaggio, e Baccalà

13.
I mersè ra sò sorfa
a fan d'ogni pittin
che gh'emmo bonna robba
strinche, pissetti, e stofa
ch'accatta cambrè fin.

14.
Là sbraggia un Garzonetto
sunando un campanin
chi aesse trovoù un cagnetto
con a coa attaccà à ro setto
à ro manco lì da vexin[?]

15.
Lunaij, e cieravalle
de quelli de Millan

[p. 13v modifica]

lista dell'estrazzion grande
crian da tutte re bande
con ri suoè pappiè in man

16.
Quell'atro ruzenento
vegnuo de là da Pò
pre fà guastà ro Tempo
o cria ogni momento
chi oè spazza Fomaioe[?]

17.
Viegnan quelli dra Pilla
con ro sò ba' Lazzà
ch'erza tanto ra Tibba
sangue dra scià Camilla
che posselli creppà[!]

18.
Ch'accatta un garbuxetto
erbette, e peveron[?]
Donne o chigoemaretto
radiccia con l'aggetto
cori neigri, e breboggion

19.
Recatto non ghe veggo
pre puoeì attasentà
solo serreura, ò brenno
e à tutti ben con quello
a garganta stoppà

20.
Ma mi prè attasentai

[p. 14r modifica]

gh[']ò un gotto de vin bon
n'orrè zà imbriagave
ma solo regiggiave
pre fave veì chi son

21.
Per questo aggiè patienza
non posso chiù cantà
per dira in confidenza
con vostra reverenza
mi schio[e]ppo de cagà.