Ms. Molfino 421/LXXXVIII
| ←LXXXVII - In accipiendo uxorem | Ms. Molfino 421 Rimme de , a cua de Nichiozo Lagomao LXXXVIII - Multa bona legimus sed non inmitando servamus |
LXXXIX - Contra homo qui habet semper malam intenpcionem→ |
| Transcriçion e notte do Nichiozo Lagomao, pubricæ inte l'Arch. Glott. Italian II, 1876 |
Che var lezer e inprender,
e assai raxon intender,
meriti e segni tanti
4che noi lezamo de li santi;
s omo no pensa de far ben,
e asternese[1] como li fen
da li mai chi son si spessi,
8or far[2] forza a noi mestesi?
enderno a tempo e dinar speiso
chi in scora no a preiso.
che var tanto aver lezuo
12e no aver bontae crexuo?
a noi devem como a queluj
chi in iardin e sta d atrui,
e d asai pome a preso odor,
16ma no a maniao d alcum de lor.
assai de ben odamo dir
che ne deleta in aoir,
e quaxi un odor n avemo,
20ma per lavor no mastegemo.
questa vita miserabel,
finitiva, no durabel,
n e pur presta da lo Segnor
24per far tae ovre e lavor
chi sea utel e adorno;
si che in la fin de nostro iorno
prendamo tal pagamento
28chi pu sea ca d un cento.
ma chi sera stao ocioso,
negligente e dormiioso,
pocco o niente lavorao,
32se trovera vituperao;
e miso in eternal preixon
unde no e redencion,
ma gran pianti e zemimenti
36e batimenti grandi de denti.
chi doncha ode tanto dir
e preicar e amonir,
per che no penssa de far ben
40so lavor, fin che iorno ten?
assai e homo bestial
chi se precaza lo so mar,
e chi da lonzi no precura
44anti che sea note scura.
che no e certa veritae
che[3] lo mondo e pur vanitae?
guarda, che cento agni e viscuo,
48de quanti deleti ai avuo
en che ne tu a presente,[4]
chi for morrai in presente?
forzate doncha in esser scotrio
52e prender tosto bon partio.