 |
Questa pagina a no l'è stæta corretta. | |
Santa Vergen chi tenei
sempre Ieso Criste in brazo,
con lo quar voi sempre sei
4en perpetua solazo,
e cossi ve trovo star
en tute zexie enpente,
voi deiai a noi mostrar
8de far pur lo semeiente;
e si semper aver in cor
quelo doze fiior vostro,
per guiar d entro e de for
12ogni faito e drito[1] nostro;
che omo no possa voler
ni cossa far ni dir
se no tuto so piaxer,
16ni da lui za mai partir:
si che noi zunti da lui,
lo ne conduga in la per fin
a queli logi benastrui
20chi d ognunchana ben son pin.
Quatro cosse requer
en dever prender moier:
zo e saver de chi el e naa;
4e como el e acostuma;
e la persona dexeiver;
e dote conveneiver.
se queste cosse ge comprendi,
8a nome de De la prendi.
Che var lezer e inprender,
e assai raxon intender,
meriti e segni tanti
4che noi lezamo de li santi;
s omo no pensa de far ben,
e asternese[2] como li fen
da li mai chi son si spessi,
8or far[3] forza a noi mestesi?
enderno a tempo e dinar speiso
chi in scora no a preiso.
che var tanto aver lezuo
12e no aver bontae crexuo?
a noi devem como a queluj
chi in iardin e sta d atrui,
e d asai pome a preso odor,
16ma no a maniao d alcum de lor.
assai de ben odamo dir
che ne deleta in aoir,
e quaxi un odor n avemo,
20ma per lavor no mastegemo.
questa vita miserabel,
finitiva, no durabel,
n e pur presta da lo Segnor
24per far tae ovre e lavor
chi sea utel e adorno;
si che in la fin de nostro iorno
prendamo tal pagamento
28chi pu sea ca d un cento.
ma chi sera stao ocioso,
negligente e dormiioso,
pocco o niente lavorao,
32se trovera vituperao;
e miso in eternal preixon
unde no e redencion,
ma gran pianti e zemimenti
36e batimenti grandi de denti.
chi doncha ode tanto dir
e preicar e amonir,
per che no penssa de far ben
40so lavor, fin che iorno ten?
