Ms. Molfino 421/II

by Anonnimo Zeneize

←[...]

Ms. Morfin 421 Rimme de Anonnimo Zeneize, a cua de Nichiozo Lagomao De beata Margarita

De nativitate beate Marie Virginis→

Transcriçion e notte do Nichiozo Lagomao, pubricæ inte l'Arch. Glott. Italian II, 1876

De beata Margarita.

Vergem santa Margarita,^[1]
chi in questa flagel vita
en ogni onor e van deleto^[2]
4semper avesti in sospeto!
fantina de gran belleza
e nobel cun gra^[3] richeza,
vergenitai servai
8a Ieso Criste e o amavi
con devotion ioyosa,
de qua e voi^[4] eri sposa;
e poi che in lui consentisti
12mai da lui no ve partisti.
ben parsse quanto voi l’amavi;
chi fantina contrastavi^[5]
a lo marvaxe tyrano
16chi ve percazava dano:
pagan neco e inigo,
de Criste grande inimigo,
chi contra voi gran proa fe
20per trane^[6] de grande fe:
ma monto te^[7] trova forte;
che ni per pene ni per morte,
ni per lusengue ni per donne,
24como la scritura exponne,
no ve fe comovimento;
chi avei fondamento
en Criste, si como in saxo
28chi za mai non po dar squaxo.
o quante vilanie oisti;
e quante penne soferisti
de zote e de greve batimenti,
32peten e bacil ardenti,
chi coxean e squarzavan
e tu ve sangonavam!
pusor ma misa en prexon

36e devola da lo dragron;^[8]
d enter lo qua tosto enxisti
e presta morte gi daesti,^[9]
e nter pusor tormenti re
40fosti alo scampar^[10] da De.
degola fosti a la per fin,
gagnando lo regno divin.
mai^[11] inanti la vostra morte
44festi a De pregerà forte
pre caschaun chi ve pregasse
e a voi se reiamasse
quando a lui fosse meste
48per scampar da alcun combre,
o voi avese in memoria
e lezese vostra ystoria
pregando devotamente,
52fosse exaudia^[12] incontente;
e tuto zo ch oi demandasti
encontenente aquistasti.
vo antanto ama da lo segnor
56pregai per peccaor,^[13]
che me dea scampamento
da ognunchena noximento,
e me dea vita pura
60e con vertue fin segura,
e me condugue in la per fim
a quelo regno chi e pin
de ben chi ne se pon contar,
64ni po increser ni manchar.

1. II,1 è scritto quasi Maragarita.
2. 3. forse da espungere en.
3. 6. gra aveva il n, ma è cancellato.
4. 10. de qua voi.
5. 14. il 1^o a di contrastavi non è chiaro; tiene dell’o.
6. 20. trave.
7. 21. ve trova.
8. 36. dragon;- il ms. de vola.
9. 38. il ms. da esti.
10. 40. scampaa.
11. 43. ma.
12. 52. exaudio.
13. 56. per mi peccaor.