Ms. Molfino 421/4

by l'Anonnimo Zeneize

←3 - De instructione puerorum juvenum et senum.

Rimme de l'Anonnimo Zeneize, a cua de E. G. Parodi 4 - De quodam puero intrante in religione.

5 - De falax condicione mondi.→

Transcriçion e notte de l'E. G. Parodi, pubricæ inte l'Arch. Glott. Italian X, 1886-88

De quodam puero intrante in religione.

Perzo che e t amo e si m e car,
pregar te uoio e conseiar,
Bonefaci doze fra^[1] me,
4che tu pensi seruir De.
lo nome to de Bonefazi
si e^[2] a di che tu ben fazi,
e no uoler seguir lo mondo
8chi tira l anima in perfondo.
no te fiar de zouentura
ni de ben chi poco dura;
no dexiar bochon maniar
12chi te poesse strangorar;
che se lo mondo uoi auer,
pur cosi ben lo poi tener,
con tuta la bubanza soa,
16como l anguila per la coa.
tute le cose, alegranze,^[3]
moier, fiior e gran richeze,
son de gran solizitudem
20e de spese amaritudem.
belo te mostran da prumer,
ma li guai segen poi derer;
lo comezar e risso e zogo,
24la fin si e tormento e fogo.
e di e noite inuer la morte
vai corando monto forte,
e la morte senpre inuer ti;
28tosto te troverai con si,
e se aor e frescho e san
ancoy morai o(i) for deman;
e se zesi in danatiom
32no ge so poi redentiom.^[4]
de fin che in ti e la bailia,
pensa piiar bona partia
de seruir De, como e t o dito
36da prime in questo scrito.
no dar demora a tanto ben
como tu sai che te ne uem,
no seai merchante lento
40chi de un poi guagnar cento,
e se tropu ge bestenti
guarda ben no te ne penti.
o como e bon un di d afano
44chi da reposo a tuto l ano!
la penetentia no e amara
quamuisde ch ela lo paira,
che seruir^[5] in ueretae
48passa le arte^[6] docitae,
e de zo che e prego ti
tu deueresi pregar mi,
e darte a De per ti mesteso,
52senza mezan ni atro meso.
per che, frai doze cariteiuer,^[7]
lo to castelo chi e xeiuer,
lo corpo e l anima che De te de,
56rendila a De chi el e.^[8]
seno^[9] esser confonduo
pensa tosto esser renduo,
con freuor d amor ardente^[10]
60a quelo doze redentor
chi rei fa soi seruior
e in cel esser biai,
e biao ti se zo farai.

1. IV, 3. frai.
2. 6. ms. se e.
3. 17. l. alegreze.
4. 32. aggiunto so al di sopra della riga.
5. 47. seruir mal chiaro nel ms.; e penso che manchi De, Dio.
6. 48. l. atre.
7. 53. nel ms. può parere cariteurer.
8. 56. l. a De, de chi el e.
9. 57. seno per ‘senza’. Pare un errore e forse non è.
10. 59. manca la rima e probabilmente un verso.