Lunaio Regiña 1891/18
| ←Pe-i Veteren do 1848 e 1849 | Lunaio zeneize compilao da-o sciô Regiña & C. pe l'anno 1891 de A celebre scoværta do Professô Koch de Berlin in sciä cûa da tubercolosi o mâ de tixichessa |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
A celebre scoværta do Professô Koch de Berlin
in sciä cûa da tubercolosi o mâ de tixichessa
Sûnetto
Quande regnäva o primmo Napolion,
Ch'o se fäva ciamâ genio da guæra
E ciû che pe diritto, pe ambizion
O crovïva de morti tûtta a tæra;
Un genio, da no fäne o paragon,
O spuntava da-o çê de l'Inghiltæra
E pe lê s'arrestäva l'invaxion
Da vuiêua chi s'attacca e chi s'affæra.
Ne-o secolo de scienze poxitïve
E de mille scoværte mäveggioze,
A despëto de quæ se stenta a vïve,
Un genio da-e vedûte portentôze
O spuntâva a Berlin pe descrovïve
A cûa de maotie tubercolôze.