Lunaio Regiña 1891/17

by Giambatista Vigo

←Stravaganze d'ûn libbrâ

Lunaio zeneize compilao da-o sciô Regiña & C. pe l'anno 1891 de Giambatista Vigo Pe-i Veteren do 1848 e 1849

A celebre scoværta do Professô Koch de Berlin in sciä cûa da tubercolosi o mâ de tixichessa→

Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma

Pe-i Veteren do 1848 e 1849

---

Sûnetto

---

A quelli nostri pövei Veteren;
Che combatteivan pe l'Indipendenza,
No se ghe dà nisciûnn-a ricompenza?
Se calcolan, se trattan comme i chen?

Aoa che diventæ semmo Italien
Ghe doviescimo a lö riconoscenza
E consoläghe ûn pö quell'existenza
Che tanti e tanti no se-a passan ben.

De çerto no pretendan a penscion
C'han dæto a-i Mille; no pretendan çerto
De vïve con mangiâ pan a petton;

Ma questi Veteren de Carlo Alberto,
Pe l'önô, pe l'orgoglio da Nazion
No devan renegâ tra o vïve inçerto.