Lunaio Regiña 1887/Chi se contenta gode

←Timô giustificao

Lunaio zeneize compilao da-o sciô Regiña & C. pe l'anno 1887 Chi se contenta gode

Ghe n'è troppo tanti fræ!→

Chi se contenta göde

Se prometteiva - da-i commedianti
   De dä commedie - ciû castighæ,
   Ma intanto e reçite - se tiava avanti
   Con danno e scandalo - de l’onestæ.
No gh’éa ciû limiti - mascima e feste
   Con quello teatro - cosci stivôu;
   E quande ûn giorno - de gente oneste
   In confidensa - ghe n’han parlôu,
O cappocomico - o se scûzava
   Con dighe: A colpa - no l’ho poi mi,
   Ma quello stupido - ma quella crava
   De colto pûbblico - chi vêu coscì.
Con questa röba - chi crïa vendetta
   Femmo de piene - da sbalordî,
   Mentre con l’ätra - mai de cascetta,
   Con fä di miäcoi, - no poëmo impî.