Lunaio Regiña 1885/Ognûn aggiûtta quelli do sò partïo

←Tra ûn Scûltô e o Parente do Marotto

Lunaio zeneize compilao da-o sciô Regiña & C. pe l'anno 1885 Ognûn aggiûtta quelli do sò partïo

O Perdon→

Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma

OGNÛN AGGIÛTTA QUELLI
DO SÒ PARTÏO

---

Sûnetto

Poeì fâ, poeì dî, poeì giastemmâ, poeì rïe,
Poeì parlâ forte, poeì parlâ cianin,
Poeì renegâ, poeì addentâve e dïe,
Poeì cianze, poeì pregâ seia e mattin;

Poeì cangiäghe a rûmenta, o zétto, ë prïe,
In perle de diamanti e de rûbin,
Poeì sghêuâ per l'äia e fà che crövi e moïe
Diventan gianchi comme giäsemin;

Poeì lëze, poeì stûddiä, poeì trattâ ben,
Poeì fave dell'önô, poeì travaggiâ,
Poeì ëse regaggii, poeì êse sen;

Poeì ricorrî, d’attorno ve poeì dâ,
Poeì ëse da fä cianze scinn-a i chen;
Ma no v’aggiûttan se no seì da niâ.