Lunaio Regiña 1885/A Galleria Mazzin

←O Perdon

Lunaio zeneize compilao da-o sciô Regiña & C. pe l'anno 1885 A Galleria Mazzin

Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma

A GALLERIA MAZZIN

---

Stûdî, e poi stûdî, e calcoli e progetti,
E dispûte, e disegni, e speìse e minn-e,
Travaggio e sûo de fronti d'architetti,
Che no son sûcche vêue, ma çimme pinn-e,

Guidæ da gûsti ciû che boin, perfetti,
Da osservazioin posæ, matûre e finn-e,
Han appartoïo co-i debiti brevetti
De fianco a via Cebà, sotto e Fûxinn-e

Bazar da un franco, e pesci-chen taggæ,
Donne ginote, e donne co-e bazette,
Bersagli, questurin, mûtti, strosciæ,

Zûgoêi da biglie, e facce da magnette,
De qualunq’öa, staggion, giorno se sæ,
Ghe n’è de tûtti i coî, de tûtte e sette.