Lunaio 1811/Foa XII. - A Figgia de Toriggia
| ←Foa XI. - L'Oca | Il favolista enigmatico - Lunario per le Dame - 1811 de A Figgia de Toriggia |
Indovinello 1.→ |
| torna a-i atri lunai |
Foa XII.a
A Figgia de Toriggia.
Unna figgia de Toriggia
A l'è andêta a spiguà;
Doppo avei fête ciù miggia
Finalmente a gh[']e arrivà.
Quarche spigo andando avanti
A l'à visto comparì,
Ma a dixeiva n'euggio tanti,
Euggio presto o sacco impì.
Questi tanti andando apreuo
A non ha posciuo trovà,
E coscì co o sacco veuo
A l'è a casa ritornà.
Questa figgia de Toriggia
A l'insegna unna veitè:
Che chi eu troppo e ninte piggia
Non ha o poco ni l'assê.