Lunaio 1811/Foa XI. - L'Oca
| ←Foa X. - A Besagninna | Il favolista enigmatico - Lunario per le Dame - 1811 de L'Oca |
Foa XII. - A Figgia de Toriggia→ |
| torna a-i atri lunai |
Foa XI.a
L'Oca
Unna giornà de neive
Çerta Oca despeà
Con gran quê de mangià ciù che de beive
A se presenta a porta d'un pollà,
Dixendo, chi là canaggia
Saltè feura dra paggia
E fê o vostro doveì:
Che! no me conosceì?
Son illustre zermoglio
De quell'Oche dai storici vantê
Che han salvaò o Campidoglio
Dai Galli in atra etê.
Ma con voì pesto l'êgua in to mortà,
Abbreviemmo o discorso
Via dême da mangià?
O Gallo c[']o se sente mensonà
Coscì fœua de raxion,
Rosso comme un biscion
O te ghe sata addosso,
E picca a ciù non posso
O te l'ha scarlassà coscì polito,
C[']o g[']ha levaò a boria e l'appetito.
No gh[']e cosa che mœuve tanto a bile
Quanto sentì fa sciato
I Agri e dosci in povertê de stato.