Li fioreti de messê san Francescho
cap. 22
da-o manoscrito Marston 56, f. 133r. - 156v., da libraja Beinecke de Yale, 1465;
clicca i asterischi pe di rafronti co-a verscion toscaña;
clicca o segno inta colonna de scinistra pe vixoalizâ a verscion toscaña a fronte

[p. 139v modifica]22.

Un jorno um zovem preize monte tortore, e si le portava a vende. E scontrandosse con ello san Francescho, lo qua avea senper singullâ pietae de li animai mansueti, e goardanto con lo ögio [pietoso] a quelle tortore, si disse a lo zovem: "E' te prego che ti me dagi quelli oxelli cossì innocenti, li quai sum asemegai a la* santa Scriptura e a le anime umille e caste e fidelle, asochè e' non vegnam a le main de li crudê chi le amassem." E quello, inspirao da Dee, subito si le dè tute a san Francescho: e ello le resevè tute in schosso e si ge incomenssà a parllâ docementi, e si ge dixea: "O sorelle mee tortore sinplice e innocente e caste, perchè ve lasa-vo voi pigâ? O goardai che ve vögo scanpâ da la morte e feve* lo nio asochè e' fasai fruto e che 'o murtipichai secondo lo comandamento de lo nostro Segnor Dee".

E san Francescho ze e fè a tute lo nio. E insiando föra e' incomenssàm tute a fâ le öve e figori* davanti a li frai, e [p. 140r modifica]semegeivementi e' stavam con li frai, cossì como se fossem staite galine e senper norigae da lor. E ni se partin mai, fin a tanto che san Francescho con la soa benissiom ge dè licencia che e' se ne zeissem.

E lo zovem chi ge le avea daite san Francescho ge disse: "Ti sarai anchora frai in questo Ordem e servirai graciozamenti a messê Ihu. Xe.". E cossì fo, perochè o se fè frai e stè in l'Ordem in grandissima santitae e paciencia.

A lozo de Xe.