Laude zeneize/8

Laude zeneize do XIV sec.
VIII. Della Anonciacion de nostra dona.

IX. Della Salutacion de la glorioxa vergen Maria.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

[p. 335 modifica]

VIII.
Della Anonciacion de nostra dona.

Or è venuto lo tempo
de Iexu salvatore;
ogni homo se alegre,
4e laude lo Creatore.
Or è vegnuto lo tempo
de la gracia divina:
lo angelo Gabriele
8si è mandao a una fantina,
et disse: Dio te salve,
de gracia pinna,
tu serai regina,
12maire de lo Salvaore.
Lo Angero in Nazareth
trova la glorioxa,
et de messer Iosep
16ella era faita spoxa.
La vergen se conturba,
e sta monto pensoxa;
honesta e vergognoxa
20respoxe cum timore:
O Angelo Gabriel,
chi da cel e' tramiso,
como serà questo,
24che tu m'ài inpromiso?
Lo mio cor e' ò daito
allo Re de paraixo,
a far lo so servixo
28cum tuto lo mio amore.
Non temi, Maria,
de questa mia novella;
tu ài trovao la gracia,
32o doce vergen bella:
da ti nascerà un fijo,
Iexu Criste l'apella:
de lo cielo et de la terra
36ello serà segnore.
Quando Maria inteixe
che piaxe a Deo paire,
che de lo so santo fijo
40ella debia esser maire,
et ella se chiama ancilla,
et si consente a fare
tuto quello che piaxe
44a Deo creatore.
Lantora lo Spirito Santo
deseixe incontenente,
et si à concetto Criste
48in quelo santo ventre.
Or s'alegremo tuti
de cossì bon parente,
per che tuta la gente
52averà salvacione.
Deo paire omnipotente
semper sia laudato
cum lo so beneito fijo,
56chi ancoi si è incarnao;
lo nostro cor oscuro
si sea illuminao
da lo Spirito Santo,
60chi è nostro consolator