Laude zeneize/9

←VIII. Della Anonciacion de nostra dona.

Laude zeneize do XIV sec.
IX. Della Salutacion de la glorioxa vergen Maria.

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

[p. 336 modifica]

IX.
Della Salutacion de la glorioxa vergen Maria.

Salve regina
sover li angeli exaltata,
alla maiestae divina
4seai nostra avocata.
Salve regina
maire de lo Salvaor,
o doce meixina,
8chi sani li peccaoi,
Maria de gracia pinna,
roxa de le altre fiore,
davanti allo Creatore
12seai nostra avocata.
Seai nostra avocata
alla divina maestae;
no ne lasciai, vergen beata,
16perire in le peccae,
o fontana de gracia,
maire de pietae,
per la vostra humilitae
20da Criste tanto honorata.
Criste cum tuti li santi,
Madona, a voi vegnivan,
li angeli e li arcangeli
24in soa compagnia.
Tuti cantavan canti
cum si doce melodia,
per voi, doce Maria,
28chi sei tanto exaltata.
Sover li angeli v'exaltava
Criste pin de dozeza,
et voi Madona ornava
32de sovrana belleza;
in carrega ve setava
regina de tanta alteza.
Or cum quanta allegreza,
36voi fosti incoronata.
Coronata fosti in celo
da Criste lo vostro amor;
doce maire de deo
40voi avesti tanto honor:
la luna sote li pè,
e vestia sei de lo sole,
corona de gran splendor
44in testa a voi fo daita.
Or chi porreiva pensare
quanto voi v'alegrasti,
o pietoxa maire,
48qui in celo ancoi montasti?
Voi zeisti a regnar
cum Criste, che voi portasti;
lo fijor vostro abrazasti,
52chi tanto ve à amao.
Li angeri si se allegravan
per voi, doce regina,
et cum canti laudavan
56la maestae divina;
a voi se inchinavan,
o stella matutina,
chi de splendor sei pinna,
60da Criste illuminata.
O altissima imperatrice,
davanti a voi pianzamo;
o doce aitoriarixe,
64de bon cor ve pregemo;

[p. 337 modifica]

seai nostra defenderixe,
che noi non periamo;
noi peccaoi tornamo
68a voi nostra avocata.
A chi demo noi tornare
se no a voi. Maria?
Voi sei la nostra maire,
72voi si sei la nostra gia.
Or chi non dè sperare
in la vostra cortexia?
Ogni homo trova aia
76in voi, vergen laudata.
Maria, nostro conforto,
de noi ve aregordai,
et lo doce fijor vostro
80per noi semper pregai.
Doce maire, condune allo porto,
donde noi semo descazai;
per voi seamo salvai,
84doce nostra avocata.