Laude zeneize/6

Laude zeneize do XIV sec.
VI. In lo di de lo iudicio.

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

[p. 333 modifica]

VI.

In lo di de lo iudicio.

Or onde porrà scampar
lo dolento peccaor,
quando verrà lo Segnor
4per lo mondo zuigar?
Or onde porrà scampar
lo peccaor per soa sciencia,
quando Criste verrà a dare
8quella si dura sentencia?
La cria anderà: per obediencia ,
o morti, vegnì allo zuixio;
qui averà faito bon servixo
12ben se porrà allegrare.
Et li morti incontenente
si seran resuscitai;
davanti a Criste omnipotente
16seran tuti congregai,
et lì seran examinai
da lo altissimo Creator:
o doloroso peccaor,
20como te porrai scuxare?
Che raxon porai tu render,
o peccaor si tribulao?
Or chi te porrà deffender
24da tante parte acuxao?
A l'inferno serai danao,
in quella prexon scura,
cum sentencia de dritura,
28chi non se porrà revocare.
Peccaor, tu ài offeixo
Criste, chi t'à tanto amao.
Per ti de cel ello si è desceixo,
32tanta peina à portao;
Criste per ti fo condanao
a morir sun la croxe,
seando le piage penoxe,
36le quar per ti vose portare.
Criste, chi tanto è pietoxo,
e doce de soa natura,
aparrà sì tenebroxo,
40e mostrerà la faza scura,
et ello aparrà in tar figura
alli peccaoi pin de tristeza,
e darà tanta allegreza
44a quelli, chi se den salvar.
Or che farrà lo peccaor
abandonao da ogni speranza,
quando serà lo so dolor
48non troverà più perdonanza?
Verrà lo zuxe cum possanza,
chi contra a elo serà irao;
lo inferno serà apareiao,
52onde ello dè semper penare.
Et lì oderan Criste parlare
a queli de lo drito lao:
venì, beneiti de lo me paire,
56lo regno a voi è aparegiao;
volenter m'avei amao,
e sei staiti pietoxi;
in corpo e in anima glorioxi
60cum mi devei semper regnare.
Et voi, peccaoi, andai allo inferno,
cum meigo non poei pu stare;
partive da mi in fogo eterno,
64O mareiti da lo mio paire.
Voi non m'avei vosuo amar,
in voi non è staito pietai;
in le peine eternae
68cum li demonij andarei a star.
In vita eterna cum splendore
anderan li iusti e li santi,
a regnar cum lo Creatore
72in allegreza e dolci canti;

[p. 334 modifica]

li peccaor tristi cum gran pianti
allo inferno seran menai,
da li demonij acompagnai,
76chi li den semper tormentar,
Segnoi e done, fai penitencia
e insì for de li peccai,
che in lo di de la sentencia
80allo inferno non seai danai.
Criste, chi n'à recatai,
ne deffenda da quelle peine,
et allo so regno ne meine
84per lo amor de la soa maire.