Laude zeneize/17
| ←XVI. Lo lamento de Nostra Dona quando lo ferin cun la lanza. | Laude zeneize do XIV sec. XVII. Lamento de Nostra Dona de la passion. |
XVIII. Della passion de lo nostro Segnor Iesu Criste.→ |
| ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883 torna a-a lista di atri scriti |
Lamento de Nostra Dona de la passion.
1.
Veniti alla croxe
a veder lo mio amor,
et pianzi in ata voxe
lo mio gran dolore.
2.
Veniti alla croxe,
e poni mente,
e si vederai como pende
lo mio fijor innocente.
3.
O anime devote,
chi lo amai devotamente,
pianzi cum mi dolente
la passione.
4.
Or pianzi la testa,
che lo me fijor inclina
inver mi povereta
de dolor tuta pina.
5.
Fin a l'osso passava
la corona de la spina:
oimè tapina,
che non moiro de dolore!
6.
Pianzi li doce ogi,
chi fon oscurai,
chi illuminavan
tuti li acegai:
7.
lo sangue insia da la testa,
chi li à denegrai,
e si gi fon inbindai
como a un lairon.
8.
Pianzi la faza
e lo doce vixo,
chi è allegreza de li angeri
de paraixo.
9.
Li Zuè si l'àn spuao
e ferio cum gran riso;
or è morto e lisivo
senza colore.
10.
Pianzi la boca,
e la santa lengua:
fel e axeo ponzente
fo la soa bevenda.
11.
Lo mio fijor aveiva see
per li tormenti et la peina,
et mi maire dolenta
non lo poeiva secorrer.
12.
Pianzi le main sante,
chi son si scarzae
cum grossi agui de ferro
alla croxe ihavai:
13.
le braze for de lo corpo
quasi gi àn strepai;
averte stan cum pietae
a ogni homo peccaor.
14.
Pianzi lo lao
de lo mio doce spoxo
cum la lanza squarzao
fin allo cor pietoxo.
15.
Aigua ne insia
e sangue precioxo:
lo mio cor si penoxo
si è ferio de dolor.
16.
Pianzi lo corpo
tanto flagellao,
che per ogni parte
si l'àn impiagao.
17.
Oimè dolenta
chi l'avea portao!
Lo mio cor à passao
un iao de dolore.
18.
Piangi le gambe
e li pei santi:
a servir li peccaoi
elli non fon stanchi;
19.
cum un aguo de ferro
sum squarzai intrambi.
Or pianzan piceni e graindi
la passione.