In occasione del terzo anno secolare/O Terzo Çentanâ da-i anni slicca

by Antogno Pescetto

←torna a lista di atri scriti

In occasione del terzo anno secolare dell'apparizione di N. S. di Misericordia in Savona de Antogno Pescetto

Salve Reginna→

SONETTO

O Terzo Çentanâ da-i anni slicca
Quando a Botta parlò a Divinna Bocca
De Maria, che de vedde in sorte tocca,
E de sentî che attræto ò non bosticca:

A questa grazia d’ogni grazia ricca,
Onde a noi atri âta sciumæa trabocca,
E l'inemigo prepotente ò mocca
Che vinto in sprescia in to grotton se ficca,

Mentre che a i arpe nœuve corde attacca
Ogni devoto, e nœuve pive imbecca
Ogni pastô che nœuve grazie insacca,

Mi che a sanfornia mæ se me rebecca,
E l'armonico pærno ò se destacca
Særo ò mæ canto con a Salve secca.