Esopo Zeneize 1822/A Çerva, e a Vigna

by Martin Piaggio

←O Roscignêu, o Fanetto, e o Figgiêu

Esopo Zeneize de Martin Piaggio A Çerva, e a Vigna

A Sigaa, e o Grillo→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.

FOA X.

A çerva e a vigna.

Un-na Çerva scappando da-i Chen
A s’ascose de sotto a un angeôu,
Ghe passon ben vixin, no a vedden;
Lê a sté cuccia, tegnindose o sciôu;
Ma impossibile a veddila l’ëa
Pe-e gren fêuggie, che favan spallëa.

Quando fûn lonxi assæ, ghe passò
Tanta fuffa , a se misse a mangiâ
Tutta a vigna, e scoverta a restò;
I Caccioei, che sentin remesciâ,
E vedendoa da lonxi ghe tion
Un-na botta de scciêuppo, e a piggion.

Figgi cai, nò fæ do mâ
A chi v'ha fæto do ben,
Che o Segnô ve castighiâ.