De le questioim de Boecio/Libbro III/7
| ←Libbro terço - 6 | De le questioim de Boecio 7 - Hic probat Propheta uolluptates corporis alliquid non posse impendere beatitudinis complementum. |
Libbro terço - 8→ |
| ms. Franzonian 56, 357a-386a, pubricæ inti "Studj Liguri" da l'E. G. Parodi inte l'Archivvio Glottologgico Italian, vol.14, 1898 notte do Parodi |
VII. Hic probat Propheta uolluptates corporis[1] alliquid non posse impendere beatitudinis complementum.
“Or oy de li delleti de lo corpo, a li quai monti no pom auenir senssa gram faiga, e quando elli l'am si ge rende[m] souensso despiaxeir e pentimento e paga[2] de mallotia e dollor, in perssonna de quelli chi soa intenciom metem[3] in lor. Che pur che faito se sea lo principio, chaum chi de lor se uol aregordar, sa che la fim e dollorossa. Che se tae dellicie poessem dar bianssa, le bestie mute seream biae, chi no intendem saluo de compir lor delleti de corpo. La ioia che l’omo a in soa mogier[4] e figioy, serea assai honesta; anchor che tu ay oio dir cha alchum fom za tormentay da soi figioy, chi e cossa oriber a natura. E anchor che perfiai li fijoi seam boim, si n’a lo paire souensso grande messaxio, si como alchunna fia ay proao. Per che tegno a bem dita la parolla d’Echipedes[5] nostro phillossoffo, chi disse che quello chi no a figi, mal agur lo fa[6] bem agurao.„
VII. Hic probat Propheta quod uolluptas[7] nullo modo potest hominem beatifficare, per simillitudinem su[m]ptam ab apibus.
La natura de le dellicie
no tra l’omo da mallicie,
per lo so pocho dolssor
chi passa in si picen d’or;
5como le aue, chi rendem
la mel, e apresso tendem
a fichar soa pointura
forte, angossossa e dura.