Ciaravalle 1833/Sciaradda e Logogriffo2
| ←O Luiggi e o Quattrin | Ciaravalle zeneize pe l'anno 1833 de Sciaradda e Logogriffo |
A preisa de Tabacco→ |
SCIARADDA E LOGOGRIFFO.
Un avverbio l'è o primmo in latin;
In zeneize monæa l’è o secondo;
L’è o mæ tutto d’Europa o giardin,
E un-na parte a ciù bella do mondo.
Troncâ a testa, lasciandoghe l’atro
O diventa un-na Musa de Teatro;
E se a testa co-i pê ghe lasciæ
Collo, coêu, cêuscie[sic], e gambe taggiæ
In tedesco allôa sempre parlieì
E ogni cosa a qualunque accordieì;
Che se o coêu, cêuscie, e gambe piggiæ;
Testa, e collo co-ì pê via cacciæ,
Tanti oxelli in toscano parieì.
SCIARADDA
Tescio cö primmo,
Cûxo, me vesto,
Fasso dinæ;
L’atro e un parente
Chi ë discendente
E streito assæ;
Manezza o tutto
Ben l’asperton,
Dunque o l’è figgio
D’Educazion.