Chittarin zeneize 1881/69

by Martin Piaggio

←Boñe feste

Chittarin zeneize de Martin Piaggio Boñe feste - a-o Michê Tiado

Sunetto→

poexia mandâ da-o Michelin Piaggio, figgio de l'aotô, a so poin

MÆXIMO ARGOMENTO ¹

Se presenta, sciô Michê,
In t’ûn fêuggio de pappê
E con fâghe ûn bello inchin,
Sò figgiosso Michelin,
Chi ghe vêu mai tanto ben.

Zacché a Zena scià no ven,
Vegniö mì in scrïto a Milan,
Per fâ ûn atto de doveì,
Con baxâghe primma a man,
E poi dâghe ûn Bon Natale,
Augûrâghe e Bonn-e Feste,
Pinn-e d’ogni ben celeste,
E vantaggio temporale.

Bonn-a fin de l’anno vëgio,
E ûn prinçipio e fin ciù mëgio
Do nêuv’anno che vegniä,
Che o Bambin ghe l’accordiä,
Con tant’ätri in avvegnî.

E mi o prego indegnamente,
Ma de chêu contnuamente,
Comme fa seja e mattin
Fræ Fûlgenzio ² a-i Cappùççin,^[sic]
Ciù che mi sentïo d'in Çê.

Scià gradisce, sciô Michê,
Questi versci d’ûn figgiêu,
Che ghe son sciortii da-o chêu
E o ghe dà quello ch’o pêu;

E Vosciâ scià preghe ascì,
Che scià é tanto bon per mi,
Perchè posse Michelin,
Con l'aggiûtto do Segnô,
In te tûtto fâse önô,
Vegnî degno de sò poin
E aggiûttâ o pappà Martin.