Chittarin zeneize 1881/451 Sunetto

by Martin Piaggio

←Cançon

Chittarin zeneize de Martin Piaggio Sunetto - a-o G. Vick

Sunetto→

A-o G. Vick quande ghe fiscciòn 'na comeddia a-o tiatro Farcon inta primaveja do 1813

SÛNETTO ¹

Bravo Vick, ma bravo! in mæ veitæ
Ti hæ fæto ûnn-a commedia chi é ûn portento:
Nisciûn te dava mai tanto talento
Perchè ti paeivi all’äia ûn bullibæ.²

S'é visto che ti ê ûn ommo che ti sæ,
Cö tempo ti aviæ di... anni in mæ zûamento,
E tûtti te ciammiän per complimento:
Vick, l’autô zeneize da bughæ!

Comme ti scrivi ben!... Che bello dî!
Che concetti! Che intresso sensa päo!
Che fin!... ma se no l'han lasciâ finî...

Mëgio per ti, ché dunque, amigo cäo,
Se o pûbblico o restante o sta a sentî,
O te manda a componn-e a cà do diäo.