Chittarin zeneize 1881/41

Chittarin zeneize de Martin Piaggio
Sunetto - Risposta a-o sciô Françesco Rolla

Risposta pe-e rimme a 'n sunetto do Françesco Rolla. Se prezumme che sto sunetto chie o no segge conservao tra-e carte do Piaggio, che sedonque o curatô de quest'ediçion, o Zane Menuo, o l'aviæ dovuo senç'atro stampâgheo da-a rente.

[p. 41 modifica]

SÛNETTO ¹

Me fæ restâ de stûcco, sciô Checchin,
In veddive per mi pin de bontæ,
Ûn atro a Zena come voî, in veitæ,
O posso andâ a çercâ cö sûnaggin;

Troppa lode voeì dâ a-i mæ Tavolin ²
E a-i mæ sûnetti, che no vän ûn dæ ³,
I vostri elogi fan restâ imbägiæ,
Nè se dixan che a-i genii celestin.

Se a mæ Mûsa a m’accorda rimma e limma,
Per dâ a-o merito lode, e fâ farsette,
Vêuggio pregâla anchêu, assæ ciù che primma,

E giûsto comme fa a-i Santi e donnette,
A dâme estro per dî... che v'ho gran stimma
E che fra i vostri servitoî a me mette.

[p. 42 modifica]