Chittarin zeneize 1881/383 Sunetto

by Martin Piaggio

←Diallogo

Chittarin zeneize de Martin Piaggio Sunetto - a-o N. N. dito Novaro

Sunetto→

SÛNETTO ¹

Chi ælo quello lazzù tûtto sparmôu,²
Con quell'êuggi^[sic] foddræ de carne sâ,
Quella bocca de forno da impestâ,
Quelle naixe d’ûn naso abbriguellôu?³

Ma che belle camoette! L’è ûn peccôu
Che o no se segge fæto vaccinâ;
Eppù con quella micca ⁴ lì strassà^[sic]
O fa da amante bûffo caregôu.

Lê de giorno e de nêutte o va in giandon ⁵
Da ponente a levante, a cianze e a rïe,
O fa da scemmo, ma o l'è ûn sanfûrbon.

Pe ûn pö de giascio ⁶ o camminiæ, perdïe!
A cà da pesta a pê, cö sô in lïon.
Mi no conoscio ûn ciù leccabrûnie!⁷