 |
Questa pagina a no l'è stæta corretta. | |
SÛNETTO 1
Chi ælo quello lazzù tûtto sparmôu,2
Con quell'êuggi[sic] foddræ de carne sâ,
Quella bocca de forno da impestâ,
Quelle naixe d’ûn naso abbriguellôu?3
Ma che belle camoette! L’è ûn peccôu
Che o no se segge fæto vaccinâ;
Eppù con quella micca 4 lì strassà[sic]
O fa da amante bûffo caregôu.
Lê de giorno e de nêutte o va in giandon 5
Da ponente a levante, a cianze e a rïe,
O fa da scemmo, ma o l'è ûn sanfûrbon.
Pe ûn pö de giascio 6 o camminiæ, perdïe!
A cà da pesta a pê, cö sô in lïon.
Mi no conoscio ûn ciù leccabrûnie!7
