Chittarin zeneize 1881/377 Sunetto

by Martin Piaggio

←Sghiribiçço

Chittarin zeneize de Martin Piaggio Sunetto - a-o Lucco Farcon

Diallogo→

SÛNETTO ¹

Ho letto ûn bello sûnettin, per bacco!
Fæto co-e b.... e rimmezzôu a secco
D'ûn poeta che in Parnaso o va cö bacco
Pe-e podragose gambe a massabecco.

Co-i sò versci o vorriæ mette in to sacco
L'Attico ² sò campion piccin e secco
Nell’arringo diffiçile do scacco,
E pestissâlo ³ pëzo che ûn festecco.

D’ampollosi vocaboli o l’é ricco,
Ma Capestro con Presto, a-o solo ciocco,
No fa rimma: o l’ha fæta o sò buricco.

Se comme o rimma zêuga a scacchi o Lûcco,
A battaggiâ o mandiemo da san Rocco,
E a fâ ûn magro cappon dä Pria do cûcco.⁴