Cava in to remoin 1930/TI N'Ë MORTA!
| ←Boxïe pietose | In to remoin de Ti n'ë morta! |
Illûxiôn→ |
TI N'Ë MORTA!
Ti n'ë morta, per mi, povia piccinn-a,
e ö mae pensiero no te pêu scordâ;
davanti a-i êuggi ho sempre a têu faccinn-a,
da-i biondi rissolin incornixâ.
Te veddo sorridente in ta scuffietta
drento a-a cûnetta rêuza recamâ,[1]
e fresca e bella quando zovenetta
sciortïmo insemme a-a festa a passeggiâ.
Te veddo in to lettin, scimile a ûn giglio
scciantöu da l'oragan in to fiorî,[2]
e d'ëse vivo ancon me meraviglio,
tanto ho sofferto da no pöeilo dî.
Ti n'ë morta, mae Thea, perchè te veddo
comme viva e te sento a mi vixin,
e, se destendo a man, quaexi me creddo
de accarezzâ feliçe ö têu testin.
De votte a-a seia, quando m'assopiggio,[3]
ti vegni tûtta gianca verso mî,
e a voxe têu a me dixe in t'ûn bisbiggio:[4]
– Non cianze ciû, papà; son chi con tî! –