Cava in to remoin 1930/O MAE GIARDIN
| ←Pennellae a sguasso (Trittico) | In to remoin de O mae giardin |
Barchezzata a-o ciaeo de Lûnn-a→ |
Ö MAE GIARDIN
Ö mae giardin o l'é spazioso e bello
con di viali ombrezzae da-i pin de mâ,
no l'ha de mûage intorno, nè ûn cancello
e pêuan vegnighe tûtti a passeggiâ.
Son generoso, çerto, e a fâ ö bordello
ghe lascio intrâ i figgiêu a-o poidisnâ,
specie d'inverno allôa che ö tempo bello
Ghe veu de serve zuene, di sordatti,
di scignori e scignore e de sartinn-e,
di praevi quarche votta e ascì di fratti
e-e figgette da schêua co-e sò meistrinn-e.
De tûtta gente, insomma, e a se recilla
a l'aïa averta, a-o sô in faccia a-o mâ,
senza nisciûnn-a gèna, comme in villa,
«Troppo larghê – me diei – santa Babilla!»
ma son faeto coscì, no so refûâ.
Gode chi gode! Ö sô pe tûtti o brilla,
e o se vedde debadda ö bello mâ!