Cava in to remoin 1930/GAZZO O LÛXE ELETTRICA?
| ←A vorpe banchëa | In to remoin de Gazzo o lûxe elettrica? |
Necrölogio→ |
GAZZO O LÛXE ELETTRICA?
Mi son pe-o gazzo, e no m'a dae da intende
che a lûxe a l'é ciû bella e ciû brillante;
son pe-o gazzo, ripetto, e se comprende
che mi g'ho e mae raxoïn e ghe n'ho tante.
Ö gazzo, quando o vôei o ve s'aççende
e no se ammorta ciû, mae cäa Violante;[1]
se regola a piaxeî e no se spende
manco a-a meitae da lûxe. Ûn ignörante
a capisce da lë... De votte a calla,
de âtre in to ciû bun ve lascia a secco,
e a ve imbarlûga i êuggi quando a balla.[2]
Mi son da stessa idea da Main dö Checco,
e diggo comme lë, no arsaeme a spalla:
«Feliçe quella cà, che a l'ha ö sêu becco!».