Cava in to remoin 1930/A VORPE BANCHËA

In to remoin de Gioxeppe Cava
A vorpe banchëa

[p. 122 modifica]A VORPE BANCHËA

'Na vorpe vôendo fâ da moralista,
l'ha dito a 'na sighaea: – Bella frinfrinn-a,
de 'ste formigoe piggite ûnn-a vista
e no fâ ciù l'oziosa cantarinn-a.

[p. 123 modifica]

Travaggia comme lö, fatte a provista
pe quando mandiä ö çê a neive e a brinn-a.
– 'St'inverno, vorpe cäa, faiö l'artista
e me n'andiö a-o teatro co-a berlinn-a.

Ma tî, che di pollae ti vivi a danno,
a moralista, brava, no me fâ!...
Chi vive co-i ungin pe tûtto l'anno

l'é ben che insegne a-i âtri a risparmiâ:
dâ 'na vernixe onesta a-o proprio inganno
e se prepara ö mûggio pe arrobâ! –[1]

  1. Arrobâ: rubare.