Cava in to remoin 1930/Ö MÛZOU E-A GRITTA
| ←A penn-a dö taggiön | In to remoin de Ö mûzou e-a gritta |
A crovetta e-ö vörpon→ |
Ö MÛZOU E-A GRITTA[1]
«Che vitta desgrassiâ, destin mae grammo,
pe poei mangiâ ûn boccon me tocca fâ,
e ammiaghe ben ancon se no gh'é ö lammo
o l'ommo pronto a fâ 'na ressaggiâ.[2]
«Schivâ i denti da föscina e da massa[3]
ö tradimento coerto e ingannatô,
vardâse ascì da-a raeî che tûtto a spassa[4]
e in taera a ve fa moî co-a pansa a-o sô
Coscì se lamentava ûn mûzou vëgio,
ridûto da-o terrô a pelle e spinn-a,
pensando che oramai no gh'ëa de mëgio
che fâse frizze e ciao... finî in cûxinn-a.[5]
'Na gritta arrûfianâ che d'in sce ûn schêuggio
se recillava a-o sciôu de tramontann-a,
a gh'a sbraggiôu; Mae cäo, gh'é vêu de l'êuggio
pe pôei campâ in giornâ se manca a tann-a!
«Mî, comme ti me veddi, sensa penn-a
rezûggio finn-a a-a rèsca ö mae pescetto
tranquilla e d'ogni po' me slargo a göenn-a
pe-a magica virtû de 'sto garbetto».