Pagina:Cava in to remoin 1930.pdf/118

I ratti, manco a dîlo, nastûssando,
se son lasciae da-a trappola acciappâ
e stavan con terrore rûminando
â-a fin che-i destinava ö förmaggiâ.

Ma questo, grasso e grosso comme ûn baggio,[1]
suefaeto a se refâ d'ogni remissa,[2]
pe compensâ ö rezûggio dö förmaggio
co-a carne l'ha cacciae da fâ säsissa.[3]


Ö MÛZOU E-A GRITTA[4]

«Che vitta desgrassiâ, destin mae grammo,
pe poei mangiâ ûn boccon me tocca fâ,
e ammiaghe ben ancon se no gh'é ö lammo
o l'ommo pronto a fâ 'na ressaggiâ.[5]

«Schivâ i denti da föscina e da massa[6]
ö tradimento coerto e ingannatô,
vardâse ascì da-a raeî che tûtto a spassa[7]
e in taera a ve fa moî co-a pansa a-o sô

  1. Baggio: rospo.
  2. Remissa: rimessa.
  3. Säsissa: salsiccia.
  4. Mûzou: muggine - gritta: granchio.
  5. Ressaggiâ: rete tonda che viene lanciata a braccia: giacchio.
  6. Föscina: fioccina.
  7. Raeî: rete.