Bolle de savon de Carlo Malinverni
Zimme
[p. 92 modifica]
Zimme

a Pippo Macaggi
ne-o sò onomastico

Foîse rêuza de maccia o de giardin
ve mandiae i mae profûmmi stamattin;

ava, o sûccao sûssando a tûtte e scioî,
vorrieiva fâ l'amê, Pippo, pe voî;

cocchetto, fiâ pe voî a ciù bella saea
tanto che poesci anchêu fäne bombaea,

e roscignêu pösâme in sciö barcon
pe addesciâve co-a mae bella canson...

Ma poeta!... No sò fâ che poche zimme
- fêugo de paggia - che se ciamman rimme.

Oh, sae ben mëgio se mi föse anchêu
ava rêuza cocchetto e roscignêu!....