Bolle de savon/Panem nostrum...
| ←Ûn baxo | Bolle de savon de Panem nostrum... |
I banchetti de Natale→ |
| www.liberliber.it 2011 |
(FRUGES)
a ARNALDO GATTI
Mi non sò comme dî; ma questo pan
sò ch'o m'é andaeto in t'ûnn'ungia di pê:
o l'é bon, o l'é sciocco e lègio e san....
Con cöse o l'é impastôu?... con dell'amê?...
Scin che ho bocca, ö portiö in parma de man,
o portiö, scin che ho bocca, a-i sette çê:
vêuggio sbraggiâ: segge beneito o gran,
o moin, a meizoa, o forno e o panattê.
Sto pan (e vêuggio dïlo in te ûn sûnetto,
che l'é comme sûnnâ e campann-e a doggio)
o l'é pan, companaego e cobeletto.
Se mangia crosta e moula, e o n'ha de frazzo;
ö sacce tûtto Zena e ciù ûn caroggio:
ma pe aveine ûnn'idea, faene l'assazzo.