A-o Napolion Bonaparte
| A-o Napolion Bonaparte de |
| Da l'introduçion a l'"Antologia zeneize" do Donaver do 1910 |
Beneito saelo pù, Dê gh’aggie a parte
A quell’Omin de Çê gaggiardo e forte
Che in taera scombattendo ciù che un Marte
Di Griffoîn n’ha sarvoù da e granfie storte.
Beneito ascì con questo Bonaparte
Faipoul che caminando incontro a Morte
Per cangiane a noî atri in man re carte
A Libertae n’han spallancoù re porte.