Çittara zeneize/Rimme villareççe/Oh che cara saxon! Vegni, e condúi

by Gian Giacomo Cavallo

←Tutte queste rænette e questi baggi

Çittara zeneize - Rimme vilæçe de Gian Giacomo Cavallo Oh che cara saxon! Vegni, e condúi

No gh'è tosto ni fœuggia ni steccon→

Zena, Franchello, 1745
notte do Prien

IX.

Oh che cara saxon! Vegni, e condúi,
Lichiña, a pasce in questa Comunaggia
Ri agnelletti, onde rie ra boscaggia,
Onde l’erba e ri paschi son sì drui.

Zà ri brocchetti nœuvi son nasciúi:
Ogni Pastô re scigore ghe taggia.
Vegni, e l’istœuria dre mæ peñe intaggia
In queste scorçe, chi van tutte in sui.

Chì ro sciumme brillâ comm’un’arinto,
Là ti ódirǽ rompî tra ra verdura
Ri rossignœu ro canto in contrapointo.

Chi sa, se Amô, con veite così dura,
Te toccasse ro cœu tutt’in un pointo
A cangiâ con Perrin vitta e natura?